Hai momentos que marcan un antes e un despois, e para Os Areeiros ese momento chegou en 2005. A adega, arraigada durante décadas á elaboración tradicional de tinto, decidiu dar un paso adiante e reinventarse. As vellas prensas e os métodos de sempre deixaron espazo a unha aposta valente pola innovación, pola precisión e pola calidade sen concesións.
Desta transformación xurdiron un albariño cheo de carácter e tintos elaborados con variedades autóctonas como mencía, caíño e sousón. O recoñecemento non tardou en chegar. De feito, este ano o albariño Os Areeiros foi distinguido co Acio de Ouro 2025 na categoría de Viños con IXP, na XXXVII Cata dos Viños de Galicia organizada pola Xunta de Galicia e Galicia Calidade, un galardón que consolida a súa traxectoria ascendente.
Os viños de Os Areeiros destacan por unha personalidade única, moldeada polo chan granítico, o clima atlántico suave e a proximidade do mar. Este equilibrio natural permite crear un albariño 100% autóctono, fiel á esencia do Morrazo.
A esencia do Atlántico nunha botella
Os Areeiros presenta un albariño excepcional, froito da súa evolución da tradición á excelencia
Categorías: